आज देशभर थप ३३६ जनामा कोरोना पुष्टि, ४ संक्रमितको मृत्यु
नेपालमा आज थप ३३६ जना कोरोना संक्रमित थपिएका छन् । २४ घण्टामा ५ हजार ३० जनाको पिसिआर परीक्षण गर्दा ३३६ जनामा कोरोना पुष्टि भएको मन्त्रालयले जनाएको छ ।
योसँगै नेपालमा कुल कोरोना संक्रमितको संख्या २ लाख ६८ हजार ६४६ पुगेको स्वास्थ्य तथा जनसंख्या मन्त्रालयले जनाएको छ। जसमध्ये ३ हजार ७९९ जना सक्रिय संक्रमित छन्।
बिहीबार थप ४ जना कोरोना संक्रमितको मृत्यु भएको छ। योसँगै नेपालमा कोरोनाबाट मृतकको संख्या १ हजार ९ सय ७९पुगेको मन्त्रालयले जनाएको छ। आज २२६ जना कोरोना संक्रमितको उपचारपछि डिस्चार्ज भएका छन्।
योसँगै नेपालमा निको कोरोना संक्रमित हुनेको संख्या २ लाख ६२ हजार ८६८ पुगेको मन्त्रालयले जनाएको छ।
यस्तै, देशभर हाल १८४जना कोरोना संक्रमित अस्पतालको आइसियु र भेन्टिलेटरमा छन्। १५० जना आइसियु र ३४ जना भेन्टिलेटरमा रहेको मन्त्रालयले जनाएको छ।
योसँगै नेपालमा पिसिआर परीक्षण हुनेको संख्या २० लाख ३१ हजार ७५६ पुगेको छ ।
