प्रदेश २ मा ओलीको जयजयकार छ, ३२ मध्ये २० सिट जित्छौं : प्रभु साह
संघीय सरकारका मन्त्री प्रभु साह प्रदेश २ मा प्रधानमन्त्री केपि शर्मा ओलीको लोकप्रियता निकै बढेको भन्दै ३२ मध्ये २० सिट नेकपाले जित्ने बताएका छन् ।
सरकामा शहरी विकासमन्त्रीको जिम्मेवारी सम्हालिरहेका ओली पक्षीय नेकपाका नेता साहले बाँकी रहेको १२ सिटमा मात्र काग्रेस समेत अन्य दलहरुले जीत हासिल गर्न सक्ने बताएका हुन् ।
तराई मधेशमा केपी अोलीको पक्षमा ठूलो लहर आएको भन्दै उनले प्रचण्डले मधेशका एजेण्डा व्यापार गरे, जनताले उनलाई लखेट्छन् ।
साहले तराई-मधेश क्षेत्रमा प्रधानमन्त्री केपी शर्मा ओलीलाई नरुचाइएको भनिए पनि त्यो गलत भएको दावी गरे । साहले ओलीको तराई-मधेशमा जयजयकार भएको दावी गरे।
उनले भने-केपी ओलीले तीस वर्षअघि जे बोल्नु भएको थियो, अहिले पनि त्यही बोल्नु भएको छ । तराई मधेशमा केपीजीको जयजयकार छ । अहिले कति सडकहरु बनिरहेका छन्, तराइमा विकास भएको छ ।
उनले अर्का अध्यक्ष पुष्पकमल दाहाल ‘प्रचण्ड’ले पहिचानसहितको संघीयताको कुरा गरे पनि धोका माात्रै दिएको बताए । ‘जनयुद्धका बेलादेखि अहिलेसम्म प्रचण्डले फरक बोले’ उनले भने, ‘मधेशी जनता सत्य र अग्रगनको पक्षमा लागेका छन् । उनीहरुलाई थाहा छ-झुट बोल्ने को हुन्।’
तराईका ३२ निर्वाचन क्षेत्र मध्ये २० क्षेत्रमा आफूहरुले जित्ने समेत दावी उनले गरे। साहले भने– तराईका ३२ वटा सीटमध्ये २० वटा आएन भने मलाई सोध्नुहोला ।’
यसैबीच मन्त्री साहले ललिता निवास बालुवाटारको जग्गा व्यक्तिलाई दिलाउन तत्कालीन प्रधानमन्त्री माधवकुमार नेपालको हात रहेको आरोप लगाएका छन् ।
प्रधानमन्त्रीय शासन प्रणालीमा मन्त्रिपरिषद्बाट भएका निर्णयको मुख्य दोषी प्रधानमन्त्री नै हुने भएकाले अरुलाई मात्र दोषी बनाएर अख्तियारले तत्कालीन प्रधानमन्त्री माधव नेपाल र बाबुराम भट्टराईलाई उन्मुक्ति दिएको साहले बताए ।
ओली पक्षधर नेकपा प्रदेश १ सम्पर्क कमिटीले शनिबार काठमाडौंमा आयोजना गरेको कार्यकर्ता भेलालाई सम्बोधन गर्दै साह प्रचण्ड र माधव नेपालमाथि खनिएका हुन् ।
उनले यही विषय आफूले फेसबुक स्टाटसमा लेख्दा पार्टीमा स्पष्टीकरण दिनुपरेको समेत सुनाए । साहले भने- भ्रष्टाचारमा चुर्लुम्म डुबेका (प्रचण्ड-माधव नेपालहरु) ले देश बनाउछौं भन्नु गोरुले दूध दिन्छ भने जस्तै हो ।
