Logo
१० माघ २०७७, शनिबार
(January 12, 2021)

‘सामाजिक उत्तरदायित्वका लागि पत्रकारिता’

जापानमा हिउँमा परेर १३ जनाको मृत्यु, २५० भन्दा बढी घाइते

जापानको समुद्री तटीय क्षेत्रमा बाक्लो हिमपातमा परेर कम्तीमा १३ जनाको मृत्यु भएको छ । साथै उक्त घटनामा परेर २५० भन्दा बढी व्यक्ति घाइते भएका छन् ।

जापानी अग्नि तथा विपद व्यवस्थापन निकायका अनुसार हिउँमा परेर १३ जनाको ज्यान जानुको साथै २५० भन्दा बढी व्यक्ति घाइते भएका छन् ।

स्थानीय संचार माध्यमले फुकुई प्रिफेक्चरमा ६० र ८० को आसपास उमेरका तीन व्यक्तिको मृत्यु भएको जनाएका छन् । हिउँसँग सम्बन्धित दुर्घटनामा त्यहाँ ४७ जना घाइते भएका छन् ।

यस्तै, नीगाता प्रिफेक्चरमा पनि हिउँ फाल्नेक्रममा चार जनाको मृत्यु भएको छ । हिमपातले सर्वाधिक प्रभाव परेका तीनवटा प्रिफेक्चरमा मानिसको उद्धार र सहायताका लागि जापानी सेनालाई पनि परिचालन गरिएको छ ।

यसबाहेक, हिमपातका कारण सडक यातायात पनि नराम्रोसँग प्रभावित भएको छ । होकुरिकु द्रुतमार्गमा एक हजार २०० भन्दा बढी सवारीसाधन अलपत्र परेका छन् ।

जापानको मौसम विभाग (जेएमए) ले प्रशान्त महासागरतर्फको पूर्वी क्षेत्रमा मङ्गलबारसम्म हिमपात हुने जनाएको छ ।

किन्की, टोकाई र शिकोकु क्षेत्रमा मंगलबार साँझसम्म पहाडी इलाकामा २० सेन्टिमिटरसम्म हिउँ पर्ने जेएमएले बताएको छ ।

प्रकाशित मिति: Jan 12, 2021

प्रतिक्रिया दिनुहोस्