आज देशभर ५५४ नयाँ कोरोना संक्रमित थपिए, ६ जनाको मृत्यु
नेपालमा आज ५५४ जना नयाँ कोरोना संक्रमित थपिएका छन् । २४ घन्टा भित्रमा ५ हजार २६९ पीसीआर परीक्षण गरिएकोमा ५५४ जनामा कोरोना भाइरस संक्रमण पुष्टि भएको स्वास्थ्य मन्त्रालयले जानकारी दिएको छ ।
योसँगै नेपालमा कुल कोरोना संक्रमितको संख्या २ ला ६४ हजार १५९ जना पुगेको स्वास्थ्य तथा जनसंख्या मन्त्रालयले जनाएको छ ।
आज शुक्रबार ५८५ जना कोरोना संक्रमणमुक्त भएका छन् । योसँगै अहिलेसम्म नेपालमा कोरोना निको हुनेको कुल संख्या २ लाख ५७ हजार २२९ पुगे स्वास्थ्य मन्त्रालयको तथ्यांकमा उल्लेख रहेको छ ।
त्यस्तै आज थप ६ जना कोरोना संक्रमितको मृत्यु भएको छ । योसँगै नेपालमा कोरोना संक्रमणबाट मृत्यु हुनेको संख्या १ हजार ९ सय ९ पुगेको मन्त्रालयले जनाएको छ ।
नेपालभरी हाल ५ हजार २१ जना सक्रिय कोरोना संक्रमित रहेको मन्त्रालयले जनाएको छ ।
