Logo
७ माघ २०७७, बुधबार
(January 6, 2021)

‘सामाजिक उत्तरदायित्वका लागि पत्रकारिता’

सुदूरपश्चिम प्रदेशका आर्थिक मामिलामन्त्री बोहराले दिए राजीनामा

सुदूरपश्चिम प्रदेशका आर्थिक मामिला तथा योजनामन्त्री झपडबहादुर बोहोराले आफ्नो पदबाट राजीनामा दिएका छन् ।

बोहोराले मन्त्रालयमा आज अपरान्ह साढे ३ बजे पत्रकार सम्मेलन गरी राजीनामा घोषणा गरेका हुन् ।

बोहोराले विद्यमान राजनीतिक परिस्थितिका कारण मन्त्रिपरिषद्मा रही काम गर्ने वातावरण नभएकाले आफूले राजीनामा दिएको स्पष्ट पारेका छन् ।

नेकपा विभाजन हुँदा केपी शर्मा ओली समूहमा लागेका उनी ओली समूहले बनाएको ११९९ सदस्यीय केन्द्रीय कमिटीको सदस्य समेत हुन् ।

ओली समूहमा लागेका भौतिक पूर्वाधार विकासमन्त्री पठान सिंह बोहोरालाई हालै मात्र मुख्यमन्त्री त्रिलोचन भट्टले बर्खास्त गरेका थिए ।

५३ सदस्यीय प्रदेशसभामा नेकपाका ३९ सांसद थिए । उनीहरुमध्ये ७ जना ओली समूहमा छन् भने अरु प्रचण्ड–माधव समूहमा छन् ।

संसद् विघटनपछि केन्द्रमा देखिएको नेकपा विभाजन राजनीतिको प्रभाव अहिले प्रदेशमा पनि देखिएको छ ।

 

प्रकाशित मिति: Jan 6, 2021

प्रतिक्रिया दिनुहोस्