धम्काएर भाग्दै गरेका दुईजना भारतीयहरु पेस्तोल सहित पक्राउ
प्रदेश २ स्थित केहि स्थानीयसँग हतियार देखाउँदै विवाद गरेर भाग्दै गर्दा महोत्तरीबाट अटोमेटिक पेस्तोलसहित दुईजना भारतीय नागरिक फक्राउ परेका छन् ।
मादक पदार्थ सेवन गरी महोत्तरीको मनरा सिसवा नगरपालिका १० मरुवाहीमा स्थानीयसँग तिनि दुबैजनाले विवाद गरेका थिए ।
भारतको सितामढी बासबिट्टी बस्ने १९ वर्षीय मुकेशकुमार मण्डल र १५ वर्षीय राजकुमार दासलाई प्रहरीले पक्राउ गरेको हो ।
विवाद पश्चात भाग्ने क्रममा दुवै जनालाई हतियारसहित नियन्त्रणमा लिएको महोत्तरीका सशस्त्र प्रहरी उपरीक्षक सुरेश सापकोटाले जानकारी दिए ।
दुबैजनाको साथबाट १ थान लोडेड सेमि अटोमेटिक पेस्तोल र १ थान स्प्रिङ चक्कु बरामद भएको र उनीहरुमाथि थप अनुसन्धान भइरहेको प्रहरीले जनाएको छ ।
