ओली पक्षको आज कार्की ब्याङ्क्वेटमा बृहत कार्यकर्ता भेला
प्रधानमन्त्री केपी शर्मा ओलीको नेतृत्वमा रहेको नेकपाले आज काठमाडौंको कार्की ब्याङ्क्वेट बबरमहलमा बृहत कार्यकर्ता भेला गर्दै छ ।
भेला कार्की ब्याङ्क्वेट बबरमहल काठमाडौंमा १२ बजेका लागि तय गरिएको छ । अनेरास्ववियु केन्द्रीय कमिटीद्वारा आयोजित उपत्यका स्तरीय भेलालाई प्रमुख अतिथिका रुपमा प्रधानमन्त्री एवं अध्यक्ष ओलीले सम्बोधन गर्ने तय भएको छ ।
यस्तै रामबहादुर थापा बादल, ईश्वर पोखरेल र कृष्णगोपाल श्रेष्ठले सम्बोधन गर्ने तय भएको अनेरास्ववियुले जानकारी दिएको छ ।
संसद विघटनपछि नेकपा दुई टुक्रा भएको छ ।
दुई टुक्रा बनेको नेकपाका दुई समूहमा अहिले भेला, सम्मेलन गर्ने कार्यक्रममा होडबाजीनै चलेको छ । कार्यकर्तालाई आफ्नो पक्षमा पार्न ओली समूह र दाहाल-नेपाल समूहले देशभर विभिन्न भेला तथा सम्मेलनको आयोजना गरी कार्यकर्ता भेटघाटलाई तीव्रता दिएका छन् ।
अहिले नेकपा आ-आफ्नो समुह भेला गर्दै एक अर्काविरुद्ध खरो आलोचना उत्रिएका छन् । नेकपाको केन्द्रीय तहको विवादको असर स्थानिय तहसम्म देखिन थालेको छ ।
