Logo
३ श्रावण २०८२, शुक्रबार
(December 23, 2020)

‘सामाजिक उत्तरदायित्वका लागि पत्रकारिता’

नेकपाको आधिकारीकता टुंगो निर्वाचन आयोगले लगाउने

नेकपाभित्र लामो समयसम्म आन्तरीक विवाद चिलरहेको अवस्थामा गएको आइतबार प्रधानमन्त्रीको सिफारिसमा राष्ट्रिपतिले संसद् विघटन साथै चुनाव घोषण गरेपछि नेकपा अहिले दुई चिरा भएको छ ।

हिजो मंगलबार नेकपाका ओली र प्रचण्ड-नेपाल दुई समूहले आ-आफ्नो पक्षको केन्द्रीय कमिटी बैठक आयोजना गरेसँगै कुन समूहले आधिकारीकता पाउने भन्ने विषय अन्योल भएको छ ।

ओलीसमुह र प्रचण्ड-नेपाल पक्ष दुबैले नेकपाको आधिकारिकता आफूहरुसँग भएको दाबी गरेका छन् ।

दुवै पार्टीले एउटै नाम दाबी गर्दा वैधानिक को भन्ने विषयमा निर्णय आफूहरुले गर्नुपर्ने निर्वाचन आयोगले जनाएको छ ।

यस्ता विवादको निरुपण यसअघि निर्वाचन आयोगबाट हुने गरेको थियो ।यो चाहिँ त्यति बेला सम्बन्धित समूहले पेस गरेका कागजात र राजनीतिक दल सम्बन्धी ऐनले व्यवस्था गरेको आधारमा निर्णय लिने आयोगले जनाएको छ ।

आयोगका अनुसार पार्टीको नाम र झण्डालगायत कायम राख्न केन्द्रीय सदस्यको बहुमत हुनुपर्ने कानुनी व्यवस्था छ ।

तर त्यस्तो निर्णय गर्दा आयोगले केन्द्रीय सदस्यको संख्या बाहेकका अन्य प्रावधान पनि हेर्ने आयोग जनाएको छ ।

राजनीतिक दल सम्बन्धी ऐन २०७३ मा दलको मान्यता सम्बन्धी विवादको निरूपण निर्वाचन आयोगबाट हुने व्यवस्था गरिएको छ ।

हिजो बसेको ओली समूहले बैठकले पार्टीको ४४७ सदस्यीय केन्द्रीय कमिटी विस्तार गरिएको भन्दै १,१९९ सदस्य रहने निर्णय गरेको थियो ।

दाहाल-नेपाल पक्षले भने हिजो नै आफूहरूले गरेको बैठकमा ३१५ जना केन्द्रीय कमिटी सदस्यहरूको उपस्थिति रहेको दाबी गरेको छ ।

 

प्रकाशित मिति: Dec 23, 2020

प्रतिक्रिया दिनुहोस्