बालुवाटारमा प्रधानमन्त्री ओलीले बोलाएको केन्द्रीय कमिटी बैठक जारी
नेकपाका अध्यक्ष एवं प्रधानमन्त्री केपी शर्मा ओलीले बोलाएकोको केन्द्रीय कमिटी बैठक सुरु भएको छ ।
बालुवाटारमा ओलीले बैठक सुरु भएको बालुवाटार स्रतोले जानकारी दिएको छ । बैठकमा ओली पक्षका केन्द्रीय सदस्यहरु सहभागी छन् ।
पार्टी विवाद हुने अवस्थामा पुगेपछि अब के गर्ने भन्ने विषयमा ओलीले आफू निकटका केन्द्रीय सदस्यसँग छलफल गर्न बैठक बोलाउनु भएको हो ।
ओली निकट १ सय ४० जना केन्द्रीय सदस्य रहेको बताइएको छ । पार्टीभित्र देखिएको विवाद उत्कर्षमा पुगेपछि नेकपाका दुई अध्यक्षले आज छुट्टा छुट्टै केन्द्रीय कमिटी बैठक बोलाएका हुन् ।
दाहाल–नेपाल समुहको बैठक भने दिउँसो १ बजेका लागि बोलाइएको छ ।गएको आइतबार प्रधानमन्त्री ओलीको सिफारिसमा राष्ट्रपतिले संसद विघटन गरि निवाचन घोषण गरेसँगै नेकपा विवाद चरम उत्कर्षमा पुगेको छ ।
