Logo
६ बैशाख २०८१, बिहीबार
(December 2, 2020)

‘सामाजिक उत्तरदायित्वका लागि पत्रकारिता’

पशुपतिमा दाउराबाट लाश जलाउने शवदाह गृह सञ्चालन

पशुपति मन्दिर परिसरमा अब दाउराबाट शव जलाउन सक्ने आधुनिक शवदाह गृह सञ्चालनमा आएको छ ।

वातावरणमैत्री र प्रदूषणरहित शवदाह गृह आजदेखि सञ्चालनमा आएको हो ।  पशुपतिमा स्थापना गरिएको वातावरण मैत्री शवदाह गृहको संस्कृति, पर्यटन तथा नागरिक उड्डयन मन्त्री योगेश भट्टराईले अनावरण गरेका छन् ।

आज एक औपचारिक कार्यक्रममार्फत एभरेष्ट बैंक लिमिटेडले निर्माण गरेको शवदाह गृह पशुपति क्षेत्र विकास कोषलाई हस्तान्तरण गरिएको छ ।

शवदाह हस्तान्तरण कार्यक्रममा  मन्त्री भट्टराईले दाउराको खपत कम हुने र वातावरण प्रदूषणलाई पनि कम गर्ने भएकाले आधुनिक शवदाह गृह पशुपति क्षेत्रका लागि महत्वपूर्ण हुने बताए ।

पशुपतिमा स्थापना गरिएको आधुनिक मेशिनको प्रयोगबाट शव जलाउँदा दाउराबाटै शव जलाउने हिन्दु संस्कार पनि जीवित रहने अपेक्षा कोषको छ ।

कार्यक्रममा  विश्वका हिन्दुहरुको आस्थाको केन्द्र पशुपति क्षेत्रलाई अन्य धर्म, संस्कृति र सम्प्रदायका मानिसहरुको पनि पर्यटकीय गन्तव्यकारुपमा विकास गर्ने काम भइरहेको मन्त्री भट्टराईले बताएका छन् ।

बैंकले संस्थागत सामाजिक उत्तरदायित्व अन्तर्गतक झण्डै ६० लाख रुपैयाँमा आधुनिक शवदाह गृह निर्माण गरेको जनाएको छ ।

बैंकका प्रमुख कार्यकारी अधिकृत गजेन्द्रकुमार नेगीले आधुनिक शवदाह गृहमा ६० प्रतिशत दाउरा कम लाग्ने बताए । यो शवदाह गृहमा शव जलाउन बढीमा १ घण्टा १५ मिनेट लाग्ने छ ।

शुपतिका धार्मिक/सांस्कृतिक गतिविधि खुला गर्दा स्थानीय निकाय र सरोकारवाला अन्य पक्षसँग समन्वय गरेर स्वास्थ्य मापदण्ड कडाइका साथ पालना गर्न /गराउन पनि मन्त्री भट्टराईले कोषका पदाधिकारीलाई निर्देशन दिए ।

कोभिड-१९ का कारण बन्द रहेका धार्मिक/सांस्कृतिक गतिविधिहरु अब स्वास्थ्य सम्बन्धी मापदण्डलाई कडाइका साथ पालना गर्दै खुला गर्दै जाने निर्णय मन्त्रिपरिषद बैठकले गरिसकेकाले आगामी पुस १ बाट पशुपति मन्दिर पनि खुला रहने जानकारी उनले दिए ।

प्रकाशित मिति: Dec 2, 2020

प्रतिक्रिया दिनुहोस्