भरतपुर अस्पतालमा उपचाररत दुई जना कोरोना संक्रमितको मृत्यु
बाग्मती प्रदेश स्थित चितवनको भरतपुर अस्पतालमा उपचाररत दुई जना कोरोना संक्रमितको मृत्यु भएको छ ।
कोरोना संक्रमणका कारण भरतपुर महानगरपालिका-१७ बस्ने ७७ वर्षीय पुरुष र मकवानपुरको हेटौंडा उपमहानगरपालिका-१० बस्ने ५७ वर्षीया महिलाको शुक्रबार बिहान मृत्यु भएको हो ।
भरतपुर महानगरपालिका-१७ का ७७ वर्षीय पुरुषको मंसिर ३ गते कोरोना संक्रमण पुष्टि भएको थियो ।उनमा ज्वरो, खोकी र श्वासप्रश्वासमा समस्या आएपछि ५ गते अस्पताल भर्ना भएको अस्पताल स्रोतले जनाएको छ ।
उनलाई ६ मंसिरमा कोभिड आइसियूमा राखेर उपचार गरिएको थियो । उनको उपचारको क्रममा शुक्रबार बिहान ५स्१५ मा मृत्यु भएको पौडेलले बताए ।
त्यसैगरी हेटौंडा-१० की ५७ वर्षीया महिलामा मंसिर ८ गते कोरोना संक्रमण पुष्टि भएको थियो । उनी मंसिर ११ गते कोभिड संक्रमणसहित ज्वरो, खोकी र श्वासप्रश्वासमा समस्या भएर भरतपुर अस्पतालमा ल्याइएको थियो ।
ती महिलालाई बिहीबार नै कोभिड आइसियुमा राखेर उपचार थालिएको थियो । उनको उपचारको क्रममा शुक्रबार बिहान ६ बजे मृत्यु भएको हो ।