Logo
३० चैत्र २०८०, शुक्रबार
(November 26, 2020)

‘सामाजिक उत्तरदायित्वका लागि पत्रकारिता’

कक्षा–१२ को परीक्षा : चिट चोर्ने विद्यार्थीलाई कोरोनाले रोकेन् (हेर्नुहोस् भिडियो)

यही मंसिर ९ गतेदेखि जारी कक्षा–१२ को परीक्षा दिनेक्रममा अनियमितता भएको भिडियो अहिले सामाजिक सञ्जालमा ‘भाइरल’ भएको छ।

भिडियोमा विद्यार्थीहरु मोबाइल हेर्दै उत्तर लेखिरहेका देखिएका छन्। २६ सेकेन्डको सो भिडियो परीक्षार्थीले नै खिचेको देखिन्छ।

बोर्डले परीक्षामा पर्याप्त मात्रामा निरीक्षकहरुको व्यवस्था गरिएको, मोबाइल फोन निषेध गरिएको एवं सामाजिक दूरी कायम गरेर परीक्षा दिने व्यवस्था गरिएको बताएपनि भाइरल भएको सो भिडियोमा कतिपय विद्यार्थीहरुले मास्कसमेत नलगाएका देखिन्छ। परीक्षा हलमा निरीक्षकको उपस्थितिसमेत देखिँदैन।

यो भिडियो कुन परीक्षा केन्द्रको हो भन्ने खुलिसकेको छैन। यस घटनाबारे राष्ट्रिय परीक्षा बोर्डमा भने कुनै सूचना पुगेको छैन।

परीक्षामा ‘स्मार्ट’ फोन प्रयोग गर्ने, चिट चोर्ने काममा संलग्नलाई फौजदारी कसुरअनुसार कारबाही हुने तथा नियमविपरीत परीक्षा सञ्चालन गर्ने केन्द्रको परीक्षासमेत रद्द हुने बोर्डले जनाएको छ।

चार हजार १०५ परीक्षा केन्द्र रहेकोमा सबै केन्द्रको अनुगमन गर्नसक्ने अवस्था नरहेको तथा अनुगमन गरेको केन्द्रहरुमा भने राम्रोसँग परीक्षा भएको बोर्डको दाबी छ। कक्षा–१२ को परीक्षामा चार लाख ३३ हजार विद्यार्थी सहभागी छन्।

 

भिडियो : रातोपाटीबाट

प्रकाशित मिति: Nov 26, 2020

प्रतिक्रिया दिनुहोस्