बेवारिसे शव जलाउँदै आएकी सपना रोका मगर बीबीसीको १०० प्रभावशाली महिलाको सूचीमा
पशुपति आर्यघाटमा बेवारिसे शव जलाउँदै आएकी म्याग्दीकी १८ वर्षीया सपना रोका बीबीसीको १०० प्रभावशाली महिलाको सूचीमा परेकी छन् ।
बेवारिसे शव व्यवस्थापन गर्दै आएकी म्याग्दीकी १८ वर्षीया किशोरी सपना रोका बीबीसीको प्रभावशाली महिला बन्न सफल भएकी छन् ।
सपनाले तीन दर्जनभन्दा बढी बेवारिसे शव जलाइसकेकी छन् । सपनाले बेवारिसे व्यवस्थापन तथा पुनर्जीवन केन्द्रमार्फत बन्दाबन्दीका बेला निःशुल्क खाना खुवाउँदै पनि आएकी छन् ।
१८ वर्षकी सपना रोका मगरले पशुपति आर्यघाटमा बेवारिसे शव जलाउँदै आएकी छन् । म्याग्दी घर भएकी सपना पढाइको लागि काठमाण्डौ आएकी थिइन् । यहाँ आएपछि उनले बेवारिसे लाश जलाउने गरेको देखेपछि उनले पनि यही काम थालेकी हुन् ।
बीबीसीले मङ्गलवार सन् २०२० को १०० प्रभावशाली महिलाको सूची सार्वजनिक गरेको छ ।बेलायती समाचार संस्था बीबीसीले सन् २०२० का प्रभावशाली एस सय महिलाको सूचीमा नेपालकी सपना रोका मगरलाई समेटेको हो ।
बीबीसीले समाजमा योगदान पुर्याएका, उत्प्रेरक र उदाहरणीय काम गर्ने महिलालाई यो सूचीमा समावेश गरेको हो ।
सूचीमा फिनल्यान्डकी प्रधानमन्त्री, अक्सफोर्ड विश्वविद्यालयले बनाइरहेको नोबेल कोरोना भाइरस(कोभिड-१९) विरुद्धको भ्याक्सिनको नेतृत्व गरेकी सारा गिल्बर्ट लगायत छन् ।
