यो सरकार भ्रष्टाचारमा लिप्त छ, जनता र प्रतिपक्षीको आवाजलाई सुन्दैन : प्रकाशमान सिंह
नेपाली कांग्रेसका नेता प्रकाशमान सिंहले वर्तमान सरकारले कसैको पनि आवाजलाई पुरै बेवास्ता गरेको आरोप लागएका छन् ।
नेता सिंहले आइतबार आफ्नो निर्वाचन क्षेत्रमा जनताहरूसँग भेटघाटका क्रममा वर्तमान सरकारले जनता र प्रतिपक्षीप्रति पुरै बेवास्ता गरेको आरोप लगाएका हुन् ।
नेता सिंहले कोरोना महामारीका बेला सरकार जनता र मुलुकप्रति बेखबर रहेको भन्दै सरकारले कोरोना नियन्त्रणका लागि कुनै पनि काम गर्न नसकेको आरोप लगाएका छन् ।
उनले भने, ‘कोरोना महामारीको बेलामा सरकारले के गर्यो अब यो भनिरहनु परेन, अब गर्छ भन्ने आस गर्ने ठाउँ पनि रहेन ।’
उनले भने, ‘भन्नुपर्ने ठाउँमा भनेकै छ, बोल्नुपर्ने ठाउँमा सबैले बोलेकै छ तर यो सरकारले सुन्दैन । यो सरकारले न जनताको आवाज सुन्छ, न प्रतिपक्षीको ।’
यस्तै उनले सरकार भ्रष्टाचारमा लिप्त रहेको भन्दै मुलुकका कयौँ समस्यामा वर्तमान सरकार बेखबर रहेको बताए ।
उनले भने, ‘यो सरकार स्वार्थमा डुबेको छ । भ्रष्टाचारमा लिप्त छ, मुलुकका तमाम समस्यामा सरकार बेखबर छ, लोकतन्त्रवादीहरूका लागि समेत अशोभनीय हो ।’
नेता सिंहले सरकारका गतिविधिबारे अहिले आन्दोलनमा जान सक्ने स्थिति नरहेको बन्दै सरकारलाई आफूहरूले खबरदारी गरिरहेको बताए ।
वर्तमान सरकारले सङ्घीयताको मर्म र भावना अनुसार नीति निर्माणमा चासो नदेखाएको आरोप लगाउँदै संसद् बैठक तत्कालै बोलाएर छलफल गर्नुपर्ने नेता सिंहले बताए ।
