डा. गोविन्द केसीको सम्पूर्ण उपचार खर्च सरकारले बेहोर्ने
कोरोना संक्रमित डा. गोविन्द केसीको सम्पूर्ण उपचार खर्च सरकारले बेहोर्ने प्रधानमन्त्री केपी ओलीले बताएका छन् ।
कोरोना भाइरसबाट संक्रमित डा.केसीलाई शीघ्र स्वास्थ्य लाभको कामना गर्दै प्रधानमन्त्री ओलीले उनको उपचारमा लाग्ने सम्पूर्ण खर्च सरकारले बेहोर्ने बताएका हुन् ।
डा.गोविन्द केसीलाई कोरोना भाइरस संक्रमण पुष्टि भएको छ । केसीलाई केही लक्षण देखिएपछि बिहीबार गरिएको पीसीआर परीक्षणमा उनमा कोरोना भाइरस संक्रमण पुष्टि भएको हो ।
डा. केसीलाई रुघाखोकी लाग्नुका साथै ज्वरोसमेत आएको छ । उनको श्वासप्रश्वासमा समेत समस्या देखिएको सुवेदीले बताए ।
डा. केसी अहिले त्रिवि शिक्षण अस्पताल महाराजगञ्जको गणेशमान सिंह भवनमा उपचाररत छन् ।
