लिबियाको खोमसको तटमा डुंगा दुर्घटना हुदाँ ७४ आप्रवासीको मृत्यु
लिबियाको खोमसको तटमा डुंगा दुर्घटनाहुँदा ७४ जना आप्रवासीको मृत्यु भएको आप्रवासी सम्बन्धी संयुक्त राष्ट्रसंघीय निकायले जनाएको छ ।
संयुक्त राष्ट्रसंघीय निकाय (आइओमएम)का अनुसार डुंगामा करिब १२० जना सवार रहेका थिए ।डुंगा दुर्घटना भएलगत्तै माझीहरुले ४७ जनाको जिवितै उद्दार गरेको समाचारमा जनाइएको छ ।
गत अक्टोबरदेखि भूमध्यसागरमा रहेको उक्त डुंगा समुद्र पार गर्ने क्रममा दुर्घटनामा परेको बताइएको छ ।डुंगामा सवारमध्ये अधिकांश महिला र बालबालिक रहेका थिए ।
उनीहरुमध्ये ११ जना नवजात शिशुको जिवितै उद्दार गरिएको अधिकारीहरुले जनाएका छन् ।राष्ट्रसंघीय एजेन्सीका अनुसार यस वर्ष मात्र कम्तिमा नौ सय भन्दा बढीको भूमध्य सागरमा डुबेर मृत्यु भएको छ ।
लिबियामा जारी द्वन्द्वका कारण हरेक वर्ष बिस्थापित हुनेको संख्या बढ्दै गएको र भूमध्य सागरको बाटो हुँदै जोखिमपूर्ण यात्रा गर्नेहरुको संख्या वर्षेनी बढ्ने गरेको छ ।सोही क्रममा दुर्घटनाका घटनाहरु पनि बढ्ने गरेका छन् ।
लिबियालगायतका देशका आप्रवासीहरु भूमध्य सागरको बाटो भएर जोखिमपूर्ण यात्रा गर्ने हुँदा हरेक वर्ष डुंगा दुर्घटनामा सयौंको मृत्यु हुने गरेको छ ।
