दाङ देउखुरीमा ट्रकले ठक्कर दिदाँ तीन जनाको घटनास्थलमै मृत्यु
लुम्बिनी प्रदेश स्थित दाङ देउखुरीको राप्ती गाउँपालिकाको मौरीघाटमा ट्रकको ठक्करबाट तीन जनाको मृत्यु भएको छ ।
दाङ देउखुरीको राप्ती गाउँपालिकाको वडा नं.४ मौरीघाटमा ना ६ ख ३३४४ नम्बरको ट्रकले विपरीत दिशाबाट आइरहेको रा ५ प ६७४४ नम्बरको मोटरसाइकललाई गएराति ८ बजेतिर ठक्कर दिँदा मोटरसाइकलमा सवार तीन जनाको घटनास्थलमै मृत्यु भएको हो ।
दुर्घटनामा राप्ती गाउँपालिका-५ का १६ वर्षीय मनोज गाहा, राप्ती गाउँपालिका-२ का १८ वर्षीय कसम पुन र राप्ती गाउँपालिका-८ पिपरीका १८ वर्षीय दिनेश घर्तीको मृत्यु भएको इलाका प्रहरी कार्यालय भालुबाङले जानकारी दिएको छ ।
शवलाई लमही अस्पतालमा राखिएको छ ।
