नेपालमा थप २२ जना कोरोना संक्रमितको मृत्यु, कुल मृतक संख्या ११४८ पुग्यो
![](https://www.nagariktimes.com/wp-content/uploads/2020/08/corona-7.jpg)
नेपालमा कोरोनाबाट मृत्यु हुनेको संख्या दिनदिनै बढीरहेको अवस्थामा आज थप २२ जना कोरोना संक्रमितको मृत्यु भएको छ ।
योसँगै नेपालमा कोरोनाबाट मृत्युहुने मृतकको संख्या १ हजार १ सय ४८ पुगेको स्वास्थ्य तथा जनसंख्या मन्त्रालयले जनाएको छ।
गत २४ घण्टामा २ हजार ७ सय ३६ जना भेटिएसँगै नेपालमा कोरोना संक्रमितको संख्या १ लाख ९९ हजार ७६० पुगेको छ। कुल संक्रमितमध्ये ३८ हजार ३५ सक्रिय संक्रमित छन्।
नेपालमा हालसम्म १५ लाख ६४ हजार २१४ जनाको पिसिआर परीक्षण भएको छ। हाल १ हजार ५८ जना क्वारेन्टाइनमा रहेको मन्त्रालयले जनाएको छ।