राष्ट्रपति भण्डारीद्वारा नरवणेलाई आज नेपाली सेनाको मानार्थ महारथी दर्जा प्रदान गरिने
राष्ट्रपति विद्यादेवी भण्डारीले भारतीय सेनाका प्रमुख मनोजमुकुन्द नरवणेलाई आज नेपाली सेनाको मानार्थ महारथी दर्जा प्रदान गरिने भएको छ ।
नेपाल भ्रमणमा रहेका भारतीय सेनाका प्रमुख मनोजमुकुन्द नरवणेलाई आज नेपाली सेनाको मानार्थ महारथी दर्जा प्रदान गरिने भएको कार्यक्रम रहेको छ ।
नेपाली सेनाको मानार्थ महारथी ग्रहण गर्न नरवणे हिजो नेपाल आएका हुन् ।नेपाली सेना र भारतीय सेनाबीच एक अर्काका देशका सैनिक प्रमुखलाई मानार्थ महारथी दर्जा प्रदान गर्ने परम्परा छ ।
प्रधानसेनापति पूर्णचन्द्र थापाको औपचारिक निमन्त्रणामा नेपालको तीन दिने भ्रमणका लागि उनी नेपाल आएका हुन् ।नरवणेले भोलि प्रधानमन्त्री केपी शर्मा ओलीसँग भेट गर्ने छन् ।
भारतीय सेनाप्रमुख नरवणेले हिजो पशुपति दर्शन तथा वसन्तपुर दरबार क्षेत्रको अवलोकन गरेका छन् ।
