नवनियुक्त तीन राजदूतले लिए पद तथा गोपनीयताको शपथ
नवनियुक्त तीन नेपाली राजदूतले राष्ट्रपति विद्यादेवी भण्डारीसमक्ष आज शपथ लिएका छन् ।
नवनियुक्त राजदूतहरु गेहेन्द्र राजभण्डारी(बेल्जियम)तापस अधिकारी(पाकिस्तान) र रामजी खड्काले शपथ लिएका हुन् ।
राजदूतहरु तापस अधिकारी, गेहेन्द्र राजभण्डारी र रामजी खड्काले राष्ट्रपति कार्यालय, शीतल निवासमा आयोजित समारोहमा पद तथा गोपनीयताको शपथ लिएको प्रवक्ता हरिप्रसाद दहालले प्रेस विज्ञप्तिमार्फत जानकारी दिएका छन् ।
सो अवसरमा परराष्ट्रमन्त्री प्रदीपकुमार ज्ञवाली तथा नेपाल सरकारका उच्चपदस्थ पदाधिकारीसमेतको सहभागिता थियो ।