कर्णाली प्रदेशका मन्त्रीहरुलाई हतारमा राजीनामा नदिन प्रधानमन्त्रीको निर्देशन
प्रधानमन्त्री केपी ओलीले कर्णाली प्रदेशका मन्त्रीहरुलाई हतारमा राजीनामा नदिन निर्देशन दिएका छन् ।
मुख्यमन्त्री महेन्द्रबहादुर शाहीले मन्त्रिपरिषद् पुनर्गठन गर्ने तयारी गरेपछि प्रधानमन्त्री ओलीले आफ्ना पक्षका मन्त्रीहरूलाई हतारिएर राजीनामा नदिन निर्देशन दिएको बताइएको छ ।
मुख्यमन्त्री शाहीले हिजो नै केही मन्त्रीहरूसँग छलफल गरेका थिए । मुख्यमन्त्री शाहीले माथिबाट दबाब आएकाले ओली पक्षका मन्त्रीहरूलाई हट्न आग्रह गरेका थिए ।
प्रदेशका सामाजिक विकासमन्त्री दल रावलले आफूले मुख्यमन्त्री शाहीसँग भएको कुराकानीका आधारमा बिदा हुनुपर्ने होला भनेर फेसबुकमा लेखेको बताए ।
तर प्रधानमन्त्री ओलीको निर्देशन आएपछि उनले राजीनामा नदिने बताएका छन् । केही नबिगारेको अवस्थामा राजीनामा दिनुनपर्ने नेताहरूले बताएको रावलको भनाइ छ ।
