Logo
७ बैशाख २०८१, शुक्रबार
(October 29, 2020)

‘सामाजिक उत्तरदायित्वका लागि पत्रकारिता’

बारामा प्रहरी र स्थानीयबीच झडप हुँदा गोली चल्यो, चार जना घाइते

प्रदेश नं २ स्थित बाराको सुवर्णपुर गाउँपालिकाको कवहीगोठमा प्रहरी र स्थानीयबीच झडप हुदाँ चार जना घाइते भएका छन् ।

सुवर्णपुर गाउँपालिकाको कवहीगोठमा भारतबाट तस्करीका सामान ल्याएकाहरुसँग झडप हुँदा तीन प्रहरी र एक बालकसहित चार जना घाइते भएका हुन् ।

स्थानीयले गएराति भारतबाट मोटरसाइकलमा प्याज ओसारेका थिए । भारतले प्याज निर्यातमा रोक लगाएपछि नेपालमा लुकिछिपी प्याज ओसार्ने र बिक्री गर्ने क्रम चलिरहेको थियो ।

बुधबार राति प्याज ल्याएर आएकाहरुलाई सीमा क्षेत्र नजिकै रहेको नेपाल प्रहरीको टोलीले नियन्त्रणमा लियो । त्यसपछि थप स्थानीयसमेत आएर प्रहरीहरुमाथि आक्रमण गरी प्याज लगेर गएको प्रहरी उपरीक्षक पंगेनीले बताए ।

जिल्ला प्रहरी प्रमुख एसपी कृष्ण पंगेनीले प्रहरीले आत्मसुरक्षाका लागि अन्तिम अवस्थामा हवाई फायर गर्दा एक बालक घाइते भएको जानकारी दिए ।

‘हाम्रो टोली सानो थियो । उनीहरु आएर प्रहरी टोलीमाथि आक्रमण गरे । गाडी तोडफोड गरे । मोटरसाइकल पनि तोडफोड गरे,’ एसपी पंगेनीले भने, ‘सईसहित तीन जना प्रहरी पनि घाइते भएपछि अन्तिम अवस्थामा हवाई फायर गर्नुपर्यो ।’

उनका अनुसार प्रहरीले स्थिति नियन्त्रणका लागि १२ राउन्ड हवाई फायर गरेको थियो ।प्रहरीको गोली लागेर घाइते भएका बालकको अवस्था गम्भीर छ ।

उनको टाउकोमा गोली लागेको छ । प्रहरीतर्फ घाइते भएका सई विरेन्द्र गिरीसहित तीन जनाको कलैयामै उपचार भइरहेको छ ।

प्रहरीको गोली लागेर स्थानीय १४ वर्षीय रन्जन यादव गम्भीर घाइते भएका छन् । उनको वीरगञ्जस्थित बयोधा अस्पतालमा उपचार भइरहेको छ ।

 

प्रकाशित मिति: Oct 29, 2020

प्रतिक्रिया दिनुहोस्