Logo
१ बैशाख २०८१, शनिबार
(October 13, 2020)

‘सामाजिक उत्तरदायित्वका लागि पत्रकारिता’

मुख्यमन्त्रीसहित असन्तुष्ट पक्षलाई विवाद समाधान गर्न राजधानीमा डाकियो

कर्णाली प्रदेशमा देखिएको विवाद समाधान गर्न नेकपा अध्यक्षद्वय केपी शर्मा ओली र पुष्पकमल दाहाल (प्रचण्ड)ले मुख्यमन्त्री महेन्द्रबहादुर शाही र असन्तुष्ट पक्षलाई काठमाठौं बोलाएका छन् ।

दुबै अध्यक्षले आज पत्र पठाउँदै बिहीबार छलफलका लागि उनीहरूलाई काठमाडौं बोलाएका हुन् ।

मुख्यमन्त्री शाहीविरुद्ध अविश्वासको प्रस्ताव दर्ता भएपछि विवाद समाधान गर्न मुख्यमन्त्री, यामलाल कँडेल, प्रकाश ज्वालालगायतलाई काठमाडौं बोलाइएको स्रोतले बताएको छ ।

आइतबार मुख्यमन्त्री शाहीविरुद्ध १८ सांसदले अविश्वासको प्रस्ताव दर्ता गरेपछि कर्णाली नेकपाभित्रकाे विवाद उत्कृर्षमा पुगेको छ ।

मुख्यमन्त्रीविरुद्ध अविश्वासको प्रस्ताव दर्ता भए पनि आज पार्टी वरिष्ठ नेता माधवकुमार नेपाल र प्रचण्ड समूहका नेताबीच केही सहमति भएको छ । सहमतिअनुसार नेपाल पक्षका तीन जनालाई मन्त्री र एक जना सांसदलाई सचेतक बनाइने छ ।

प्रकाशित मिति: Oct 13, 2020

प्रतिक्रिया दिनुहोस्