नेपाली चलचित्रका सफल निर्देशक नीर विक्रम शाह आजबाट ७५ बर्षमा प्रवेश
नेपाली चलचित्र क्षेत्रमा सक्रियरुपमा लागिरहेका कलाकार नीर विक्रम शाहको आज जन्मदिन परेको छ ।
नेपाली चलचित्र क्षेत्रका सफल निर्देशक, कलाकार, निर्माता, लेखक तथा गीतकार शाह आजबाट ७५ बर्षमा प्रवेश गरेका हुन् ।
कलाकार शाहलाई सामाजिक संजालबाट चलचित्रकर्मी तथा शुभेच्छुकहरुले शुभकामना प्रदान गरिरहेका छन् ।उनी नेपाल टेलिभिजनको संस्थापक अध्यक्ष समेत हुन् ।
नेपाली चलचित्र क्षेत्रमा उनलाई ‘भिष्म पितामह’ पनि भन्ने गरिन्छ । नीर शाहले थुप्रै राष्ट्रिय अवार्डहरु समेत पाएका छन् ।
शाहले लेखेका ‘पर्खिबसे आउला भनी, छोरी मलाई भागी भागी नसताउ, गहिराइमा डुब्दै नडुब, प्यारी बसन्ती’ लगायतका गीतहरु सर्वाधिक चर्चामा रहेका छन् । उनले लेखेका चलचित्रका गीतहरु पनि निकै सफल छन् ।
शाहले ‘कुसुमे रुमाल, प्रेम पिण्ड, नाता रगतको, ढुकढुकी, बादलपारि, सिउँदोको सिन्दुर, गौथली, जीवनसाथी, बाचा बन्धन, मुना मदन, सानो संसार, किस्मत’ लगायतका चलचित्रमका अभिनय गरेका छन् ।
उनले अभिनय गरेको पहिलो नेपाली चलचित्र ‘परिवर्तन’ हो ।शाहले ‘बासुदेव, पच्चिस बसन्त, बसन्ती, राजमती, सेतो बाघ’ लगायतका चलचित्र निर्देशन गरेका छन् ।
नेपाली सीनेमाका धरोहर शाहलाई हाम्रो तफबाट पनि जन्न दिनको धरै धरै शुभकामना दिन चाहन्छौ ।