दलित नेता तथा भारतका केन्द्रीय मन्त्री रामविलास पासवानको निधन
छिमेकी देश भारतका केन्द्रीय उपभोक्ता मन्त्री, लोक जनशक्ति पार्टीका संरक्षक रामविलास पासवानको ७४ वर्षको उमेरमा निधन भएको छ ।
पासवानका छोरा तथा सांसद चिराग पासवानले ट्विट गर्दै पिताको निधनको पुष्टि गरेका छन् ।
उनको बिहीबार बेलुकी दिल्लीको एस्कर्ट्स अस्पतालमा उपचारका क्रममा निधन भएको हो ।
मोदी सरकारका उपभोक्तामन्त्री पासवान लामो समयदेखि एस्कर्ट्स अस्पतालमा भर्ना थिए ।
उनी नेपाल-भारत सम्बन्धमा सकारात्मक पहल गर्ने एक चिन्तकका रूपमा समेत मानिन्थे ।
