Logo
८ फाल्गुन २०८०, मंगलबार
(September 25, 2020)

‘सामाजिक उत्तरदायित्वका लागि पत्रकारिता’

गृहमन्त्रीको टोली गुल्मको शिलान्याससँगै सीमा अनुगमन गर्न दार्चुलामा

गृहमन्त्री रामबहादुर थापा सशस्त्र प्रहरी बलको गुल्म शिलान्यास गर्न दार्चुलातर्फ गएका छन् । गृहमन्त्री थापाले गुल्मको शिलान्याससँगै सो क्षेत्रको अनुगमन समेत गर्ने बताइएको छ ।

दार्चुलाको छाङ्गरुमा १० करोड रुपैयाँको लागतमा निर्माण हुन लागेको सशस्त्र प्रहरी बलको गुल्मको भवन शिलान्यासका लागि उनी त्यसतर्फ गएका हुन् ।

गृहमन्त्री थापासँगै गृहसचिव महेश्वर न्यौपाने र सशस्त्र प्रहरी प्रमुख आईजीपी शैलेन्द्र खनालसहित ११ सदस्यीय टोलीको नेतृत्व गर्दै त्यसतर्फ गएका हुन् ।

गृहमन्त्री थापाको टोली नेपाली सेनाको स्काइ ट्रकमार्फत सुर्खेत हुँदै दार्चुलाको छाङ्गरु जाने बताइएको छ ।

गत २९ असारमा बसेको मन्त्रिपरिषद बैठकले सदरमुकाम खलंगामा रहेको सशस्त्र प्रहरी बल नेपाल नम्बर ५० गुल्म हेडक्वार्टरलाई व्यास गाउँपालिका १ छाङरुस्थित गागामा सार्ने निर्णय गरेको थियो ।

प्रकाशित मिति: Sep 25, 2020

प्रतिक्रिया दिनुहोस्