ड्रग्स कनेक्सनमा बलिउडका चर्चित कलाकार दिपिकादेखी दिया मिर्जासम्म
बलिउड अभिनेता सुशान्त सिंह राजपुतको आत्महत्या गरि निधन भएको पनि लामो समय भइसक्यो तर अझै पनि यो मृत्युप्रकरण बजारमा सेलाउन सकेको छैन ।
उनको मृत्युप्रकरणलाई अझै विभिन्न कोणबाट अनुसन्धान गरिरहेको छ । त्यही अनुसन्धान प्रकृयामा बलिउडका कलाकारहरुमा ड्रग्स कनेक्सनले सनसनी मच्चाएको छ ।
जब उनको केस ड्रग्ससँग जोडियो त्यसपछि ड्रग्ससँग सम्वन्धित नयाँ रहस्यहरु खुल्न थालेका छन् । बलिउडका चर्चित कलाकारहरु ड्रग्स कान्डमा मुछिने संकेतहरु देखिएका छ ।
सेलिब्रेटी नायिकाहरुलाई प्रहरीले शंकास्पदको सूचीमा राखेको छ । त्यस्तै रिया चक्रवर्तीले अनुसन्धानमा २५ बलिउड कलाकारको नाम लिएकी छन् ।
प्रहरीले पक्राउ गरिएका कारोबारी अनुज केशवानी र अंकुशको बयानको आधारमा सेलिब्रेटीहरु ड्रक्स कान्डमा फसेको अनुमान गरिएको छ ।
ड्रग्स कनेक्सनमा जाँच गर्दै आएको प्रहरीले साराअलि खान, दिपिका पादुकोण, श्रद्धा कपुर, नम्रता शिरोडकरदेखी दिया मिर्जा समेत सहभागी रहेको दावी गरेको छ ।
यता नायिका कंगना रनावतले ड्रग्स सेवनकै कारण दीपिका डिप्रेशनमा पुगेको बताएकी छिन् । एजेन्सी
