ईंटा भट्टामा जिउँदै मान्छे जलाउने अफताब आलाम रिहाईको माग गर्दै सर्वोच्चमा पुगे
ईंटा भट्टामा जिउँदै मान्छे जलाउने अफताब आलाम रिहाईको माग गर्दै सर्वोच्चमा पुगेका छन् ।
ईंटा भट्टामा जिउँदै मान्छे जलाएको आरोपमा पुर्पक्षका लागि थुनामा रहेका प्रतिनिधिसभाका निलम्बित सांसद तथा पूर्वमन्त्री अफताब आलम रिहाईको माग गर्दै सर्वाेच्च अदालत पुगेका हुन् । आलमको निवेदन आइतबार पेसी तोकिएको थियो।
न्यायाधीश मनोजकुमार शर्माको एकल इजलास आलामको फाइल मगाउने आदेश गरेको छ। जिल्ला र उच्चको कैफियत प्रतिवेदन माग गर्ने आदेश गरेको सर्वाेच्चले जनाएको छ। उक्त प्रतिवेदन आएपछि थुनामा राख्ने कि रिहा गर्ने निर्णय सर्वोच्चले गर्नेछ।
पुर्पक्षका लागि थुनामा पठाउने रौतहट जिल्ला अदालतको आदेश र सोही आदेशलाई सदर गर्ने उच्च अदालत वीरगञ्जको आदेश खारेज हुनुपर्ने जिकीर उनको निवेदनमा गरिएको छ। कोभिड-१९ को महामारी रहेको र जेलभित्र समेत संक्रमण ब्यापक भएकाले रिहाई गर्नुपर्ने तर्क आलामको निवेदनमा गरिएको छ।