सिरहा गोलबजारकी २१ वर्षीया युवतीसँग सामुहिक बलात्कार, २ पक्राउ, ३ फरार
प्रदेश २ स्थित सिरहा जिल्लामा एक महिलामाथि सामुहिक बलात्कार भएको छ । गोलबजार नगरपालिकामा गएको भदौ १३ गते २१ वर्षीया युवतीसँग सामुहिक बलात्कार भएको प्रहरीले जनाएको छ ।
बलात्कार आरोपमा प्रहरीले गोलबजार नगरपालिका १० बस्ने २१ वर्षीय दिपेन्द्र मुखियाँ समेत २ जनालाई प्रहरीले पक्राउ गरेको छ ।
मुखियाँ लगायत ५ जनाले ती महिलालाई जबरजस्ती करणी गरेको उजुरी पछि प्रहरीले घटनामा संलग्न मध्ये २ जनालाई पक्राउ गरेको हो ।
घटनामा संलग्न फरार अन्य ३ जनाको खोजी गर्नुका साथै यस सम्बन्धमा प्रहरीले आवश्यक अनुसन्धान गरिरहेको जनाएको छ ।
