सिराहा घर भई मेदान्तमा कार्यरत कलेजो प्रत्यारोपण विशेषज्ञ डा.सुजित साह मृत फेला
प्रदेश २ स्थित सिराहा घर भएका कलेजो प्रत्यारोपण विशेषज्ञ डा.सुजितकुमार साह मृत अवस्थामा फेला परेका छन्
नेपाल मेडिकल काउन्सिल दर्ता नम्वर ६३१७ रहेको उनकी श्रीमती र एक छोरी छन् । सबैको बसोबास भारतमै रहेको छ ।
भारतको हरियाणा राज्यको गुरूग्रामस्थित मेदान्त अस्पतालमा कार्यरत अन्दाजी ४० वर्षका डा. साह मंगलबार बिहान मृत अवस्थामा फेला परेका हुन् ।
उनी मेदान्तमा २०१६ देखि कार्यरत हुनुहुन्थ्यो । उहाँ रोबोटिक सर्जनको रूपमा कार्यरत थिए ।
साहले पञ्जावको चञ्डीगढस्थित प्रिमियर इन्स्टिच्युटमा सर्जरी विषयको अध्ययन गरेका थिए ।
भारतको एम्सबाट एमसीएच गरेका साहको अन्तर्राष्ट्रिय जर्नलहरुमा धेरै लेखहरु पनि प्रकाशित भएका छन् ।
उनले पोखराको मणिपाल अस्पतालबाट एमबीबीएस गरेका थिए ।
कलेजो प्रत्यारोपणमा भारतमै चम्किलो ताराका रुपमा मानिने साहको निधनले चिकित्सा क्षेत्रले अपूरणीय क्षति व्यहोरेको उनका सहकर्मी कलेजो प्रत्यारोपण विशेषज्ञ डा. एकानन्द सिंह बताए ।
