Logo
९ फाल्गुन २०८०, बुधबार
(September 2, 2020)

‘सामाजिक उत्तरदायित्वका लागि पत्रकारिता’

वीरगञ्जमा उपचाररत बाराका ९७ वर्षीय कोरोना संक्रमित पुरुषको मृत्यु

प्रदेश २ को वीरगञ्जमा थप ९७ वर्षीय कोरोना संक्रमित वृद्धको मृत्यु भएको छ ।

बाराको सम्रौनगढ नगरपालिका-९ बसबरियाटोल बस्ने ९७ वर्षीय वृद्धको मृत्यु भएको हो ।उपचारको क्रममा आज बिहान १ बजे मृत्यु भएको नारायणी अस्थायी कोभिड अस्पताल गण्डकका संयोजक डाक्टर उदय नारायण सिंहले जानकारी दिए ।

भदौ १२ गते स्वाब संकलन गरेको दुई दिनपछि पीसीआर परीक्षण रिपोर्ट पोजेटिभ आएको थियो । त्यसलगत्तै भदौ १४ गते अस्थायी कोभिड अस्पताल गण्डकमा भर्ना गरिएको थियो ।

‘मुटु रोग, दम र उच्च रक्तचापको समस्या पहिलेदेखि नै रहेछ । उमेर पनि ढल्किसकेको अवस्था थियो । यस्तोमा कोरोना संक्रमण देखियो,’ उनले भने, ‘हामीले सकेको प्रयास गर्‍यौं तर बचाउन सकिएन ।’

अहिलेसम्म वीरगञ्जमा कोरोना संक्रमणका कारण मृत्यु हुनेको संख्या ५५ पुगेको छ ।

प्रकाशित मिति: Sep 2, 2020

प्रतिक्रिया दिनुहोस्