चलचित्र निर्देशक एन्टोनी बास्कर राजको निधन
चलचित्र निर्देशक एन्टोनी बास्कर राज (एबी राज) को ९५ वर्षको उमेरमा आइतबार चेन्नईमा निधन भएको छ ।
उनको आइतबार चेन्नईमा हृदयाघातका कारण निधन भएको हो ।उनले श्रीलंकामा चलचित्र निर्माताको रुपमा आफ्नो करियरको सुरुवात गरेका थिए ।
ए बास्कर नामले पनि इन्डस्ट्रिजमा चर्चित उनले सोही नामबाट सिंहलीमा १० भन्दा बढी चलचित्रहरु निर्देशन गरेका छन् ।
उनले ६० दशकको अन्ततिर मलयालम चलचित्रहरु निर्देशन र निर्माण गर्न सुरु गरेका हुन् । उनले ६५ वटा मलायलम चलचित्रहरु निर्देशन गरेका छन् ।
उनी राष्ट्रिय पुरस्कार विजेता अभिनेत्री सरन्या पोन्भन्नका बुबा हुन् । सन् १९५७ मा रिलिज भएको हलिउड चलचित्र ‘द ब्रिज अन द रिभर क्वाई’ का चलचित्र निर्देशक डेभिड लिनसँग पनि काम गरेका छन् ।
साथै उनले २ वटा तमिल चलचित्र पनि निर्देशन गरेका छन् ।
