बालुवाटारबाट ५२ जना आन्दोलनकारी पक्राउ
कोरोना भाइरसको संक्रमण दिन प्रति दिन बढ्दै गर्दा ‘पीसीआर’ परीक्षणको दायरा फराकिलो बनाउनुपर्ने माग राख्दै शुक्रबार बालुवाटारमा आन्दोलन गरेका युवाहरुलाई प्रहरीले पक्राउ गरेको छ ।
प्रहरीले रन्जु दर्शना, ज्ञानेन्द्र शाहीलगायतका युवाहरुलाई बालुवाटार र भाटभटेनीवाट पक्राउ गरेको छ । ‘इनफ इज इनफ’ अभियानका युवाहरुले नारा लगाउँदा निषेधित क्षेत्र उल्लंघन गर्न खोजेपश्चात् प्रहरीले ५२ जना युवाहरुलाई पक्राउ गरेको हो ।
‘मोतियाविन्दु हाम्रो आँखामा होइन, तपाइँको आँखामा लागेको हो स्वास्थ्यमन्त्रीज्यू’, ‘कोरोना रोकथाममा लापरबाही गर्न पाइँदैन’जस्ता नारा उनीहरुले लगाएका थिए ।
