भारतबाट आएका सबैलाई अनिवार्य होम क्वारेन्टाइनमा राख्न गृहको निर्देशन
सरकारले भारतीय सीमाबाट नेपाल भित्रिएका नेपाली नागरिकलाई अनिवार्य होम क्वारेन्टाइनमा बस्न आग्रह गरेको छ ।
सीमा नाकाहरुमा चेकजाँच गरेर कोरोना भाइरस (कोभिड १९) सँग मिल्दोजुल्दो लक्षण देखिएकालाई अस्पताल लगिने गरिएको छ भने अन्य आ-आफ्नो घर जाने गरेका छन् ।
साथै होम क्वारेन्टाइनमा बसे नबसेको हेर्न नेपाल प्रहरी र सशस्त्र प्रहरीलाई निर्देशन दिइएको गृह मन्त्रालयले जनाएको छ ।
रोजगारी तथा अध्ययनका लागि भारत गएका नेपालीहरु पछिल्लो समय घर फर्किने क्रम बढ्दो छ ।
तर सबैको कुन जिल्ला, कुन स्थानीय तह र वडामा जाने हो, त्यसको विवरण राख्न भनिएको छ । यो विवरण सम्बन्धित जिल्ला वा स्थानीय तहलाई जानकारी गराइने छ ।
गृह मन्त्रालयका प्रवक्ता केदारनाथ शर्मा भन्छन्, ‘त्यसआधारमा क्वारेन्टाइनमा बसे, नबसेको हेर्न निर्देशन दिएका छौं ।’
मन्त्रालयले विदेशबाट आएको व्यक्ति होम क्वारेन्टाइनमा नबसेको पाइए खबर गर्न समेत आग्रह गरेको छ ।
