चेकबाउन्सपछि प्रहरीको खोजीमा रहेका ठेकेदार मनोज भेटवालले गरे प्रहरी समक्ष आत्मसमर्पण
७५ लाख चेकबाउन्स पछि प्रहरीको खोजी सूचिमा रहेका ठेकेदार मनोज भेटवालले प्रहरी समक्ष आत्मसमर्पण गरेका छन् ।
एपेक्स बैंक घोटला काण्डमा मुछिएका ‘क वर्ग’का ठेकेदार भेटवाल मंगलबार बिहान साढे ८ बजे महानगरीय प्रहरी परिसर टेकुमा हाजिर भएका डीएसपी होबिन्द्र बोगटीले जानकारी दिए ।
भेटवाल लामो समदेखि लुकेर बसेका थिए । काठमाडौंको पुरानो बसपार्कमा ३२ तले टावर निर्माणको ठेक्का लिएर निर्माण कार्य गरिरहेका भेटवाललाई पक्राउ गरीएको हो ।
उनको स्वच्छन्द बिकोई कम्पनी हो । उक्त कम्पनीले ल्याएको उपकरणको भाडा तिर्न नसकेपछी पछिल्लो समय साहु कम्पनीले ती उपकरण फिर्ता लगेको थियो । कम्पनीले सामाग्री उठाएपछि उनी भारत लागेका थिए ।
‘हाम्रो खोजी सूचिमा हुनुहुन्थ्यो, आज बिहान आफै आउनुभो’, बोगटीले भने ।
भारतमा बस्दै आएका भेटवालविरुद्ध ७५ लाख १० हजार रुपैयाँको चेक बाउन्समा उजुरी परेको थियो।
