एस बैंकका पूर्व अध्यक्ष तथा संस्थापक राना कपूर पक्राउ
सम्पत्ति शुद्धीकरणको मुद्दामा भारतको प्रवर्तन निर्देशनालय (ईडी)ले एस बैंकका पूर्व अध्यक्ष तथा संस्थापक राना कपूरलाई आइतबार पक्राउ गरेको छ ।
यस विषयमा उनीमाथि गरिएको सोधपुछपछि उनलाई पक्राउ गरिएको हो । उनीमाथि विभिन्न कर्पोरेट संस्थालाई ऋण प्रदान गर्दा पैसा लिएको आरोप छ ।
ईडीका अनुसार कपूरले देवान हाउजिङ फाइनान्स लिमिटेड टाट पल्टेको अवस्थामा ऋण तिर्न नसक्दा ६० अर्ब लिएर मुद्दा सुल्झाएको आरोप छ ।
कुनै समय एस बैंक भारतको पाँचौं ठूलो ऋणदाता थियो । तर, पछिल्लो समय बैंक डुब्ने खतरामा पुगेसँगै एसबीआई बैंकले लगानी गर्ने भएको छ ।
उनी गत वर्षसम्म एस बैंकको अध्यक्ष थिए । तर, गत वर्ष उनलाई केन्द्रीय बैंकले अध्यक्ष पदबाट हटाएको थियो ।
