फाप्लु विमानस्थलमा चिनियाँ विमानको पहिलो उडान परीक्षण सफल
सोलुखुम्बु : नेपाल वायुसेवा निगमको वाइ१२ई चिनिया जहाजले सोलुखुम्बुको फाप्लु विमानस्थलमा सफल परीक्षण उडान भरेको छ ।
निगमको उक्त विमानले मंगलबार बिहान ९ बजे पहिलो पटक उडान भरेको हो । १४ सिट क्षमता भएको उक्त जहाजले ओखलढुगांको रुम्जाटारमा पनि मंगलबार नै उडान भरेको निगमका अपरेशन डाइरेक्टर एवं क्याप्टेन दिपुराज ज्वारचनले जानाकारी दिए ।
सरकारले २०७१ सालमा चीन सरकारको सहयोगमा ४ वटा वाइ१२ई जहाज नेपाल भित्र्याएको थियो । उक्त विमानले करिब १० दिनको अवधिमा पूर्वको भोजपुर, ताप्लेजुङ, रुम्जाटार र फाप्लुमा परीक्षण उडान भरेको अपरेशन डाइरेक्टर ज्वारचनले जानकारी दिए ।
उक्त जहाजले सुदूरपश्चिमका जिल्लाहरुमा उडान भर्दै आएको छ । विशेष गरी उक्त विमान छोटो धावनमार्ग भएका विमानस्थलहरुमा उडान तथा अवतरणका लागि प्रभावकारी मानिन्छ ।
