कपडा सुकाउने क्रममा इनारमा खसेर १ महिलाले गुमाइन् आफ्नो ज्यान
चितवन : भरतपुर नगरपालिका ९ स्थित आदर्शचोकमा आज बिहान एक महिलाको इनारमा खसेर मृत्यु भएको छ । मत्यु हुनेमा ४० वर्षीया इन्द्रकला भुषाल रहेकी छिन् ।
नवलपुरको गैँडाकोट घर भई माइतमा आएकी भुषाल इनारको ढकनीमा चढी कपडा सुकाउने डोरी मिलाउन खोज्दा ढकनी भाँचिन गई इनारमा खसेकी जिल्ला प्रहरी कार्यालय चितवनले बताएका छन् । इनारमा खसेकी भुसालको शव भरतपुर अस्पताल ल्याइएको छ ।
