Logo
२१ फाल्गुन २०८०, सोमबार
(July 26, 2019)

‘सामाजिक उत्तरदायित्वका लागि पत्रकारिता’

५२ सालदेखि टहरा बनाएर पसलहरु सञ्चालन भइरहेको जावलाखेलमा चल्यो डोजर (हेर्नुस् तस्विरहरु)

राजधानी अन्तरगतका जिल्ला ललितपुरस्थित जावलाखेल सडक आसपासको सार्वजनिक जग्गामा बनाइएका टहरा र त्यहाँ राखिएका पसलहरु डोजर लगाएर हटाइएको छ ।

ललितपुरका प्रमुख जिल्ला अधिकारी प्रेमराज जोशीले सार्वजनिक जग्गामा बनाइएका टहरा भत्काइएको जानकारी दिए । शुक्रबार बिहान प्रशासनले वाताबरणीय प्रभाव, दुर्घट्नालगायतलाई ध्यानमा राखेर सडक छेउमा बनाइएका टहराहरु हटाएको हो ।

उनले गृहमन्त्रालय र अख्तियारले समेत सो क्षेत्रका टहरा हटाउन भनेकाले हटाइएको बताए । प्रशासनले डोजर लगाउने थाहा पाएपछि केही पसलेहरुले सामान सारेका थिए ।

जावलाखेलस्थित चिडियाखाना नजिकै रहेको सार्वजनिक जग्गामा गत ५२ सालदेखि टहरा बनाएर पसलहरु सञ्चालन गरिँदै आएको थियो ।

हेर्नुस् तस्विरहरु : 

प्रकाशित मिति: Jul 26, 2019

प्रतिक्रिया दिनुहोस्