टेक्सासमा विमान दुर्घटना, १० जनाको मृत्यु (भिडियो)
अमेरिकाको टेक्सासमा भएको विमान दुर्घटना परी १० जनाको ज्यान गएको छ । एडिसन विमानस्थलबाट उडेको केही समयपछि नै विमानस्थलकै ह्याङ्गरमा ठोक्किएर दुर्घटना भएको हो ।
अमेरिकी सञ्चारमाध्यमका अनुसार डबल इन्जिनसहितको किङ्ग एयर नामक उक्त विमान सानो आकारको रहेको थियो जुन दुर्घटनामा परेको हो । ह्याङ्गर(विमान पार्क गर्ने भवन) मा ठोक्किएपछि विमानमा आगलागी भएको थियो ।
फ्लोरिडाका लागि उडेको विमान दुर्घटनामा परे लगत्तै आपतकालीन उद्धारकर्मी घटनास्थलमा पुगेका थिए । तर बचाउन भने कसैलाई पनि सकेन ।
