Logo
६ बैशाख २०८१, बिहीबार
(May 30, 2019)

‘सामाजिक उत्तरदायित्वका लागि पत्रकारिता’

मोदीको शपथग्रहणमा सहभागी हुन दिल्लीमा प्रधानमन्त्री ओली, भारतमा भब्य स्वागत

प्रधानमन्त्री केपी शर्मा ओली भारतको राजधानी नयाँ दिल्ली पुगेका छन् । छिमेकी देशको भारतको लोकसभा चुनावमा विजयी भएका भारतीय जनता पार्टी (भाजपा) का प्रधानमन्त्री उम्मेदवार नरेन्द्र मोदीले दोस्रो कार्यकालका लागि प्रधानमन्त्रीको शपथ लिने समारोहमा सहभागी हुन ओली त्यहाँ पुगेका हुन् ।

उनलाई भारतीय विदेश सचिव विजय गोख्लेले स्वागत गरेका थिए । दिल्ली स्थित नेपाली राजदूतावासका अनुसार प्रधानमन्त्री ओलीले भारतीय विदेश सचिव गोख्लेसँग विशेष वार्ता पनि गरेका थिए । उक्त वार्तामा नेपालका लागि भारतीय राजदूत मन्जिवसिंह पुरी र भारतका लागि नेपाली राजदूत निलाम्बर अचार्य पनि सहभागी रहेको थिए ।

मोदीले नेपालका प्रधानमन्त्रीसहित छिमेकी देशका सरकार प्रमुखलाई शपथ ग्रहण समारोहमा निम्ता दिएका छन् । प्रधानमन्त्री ओलीले भारत रहँदा राजनीतिक भेटवार्ता गर्ने कार्यक्रम पनि छ । मोदीको कार्यकालमा दुई देश बिचको सम्बन्ध थप मजबुद हुने अपेक्षा गरिएको नेपाल सरकारले जनाएको छ ।

प्रकाशित मिति: May 30, 2019

प्रतिक्रिया दिनुहोस्