पाइलटको अद्भुत ल्याण्टिङ प्रयासले जोगिए ८७ यात्रीको ज्यान (भिडियो)
म्यान्मार : म्यान्मारको मण्डाले अन्तरराष्ट्रिय विमानस्थलमा एउटा ठूलो दुर्घटना हुनबाट जोगियो । मानिसहरु त्यतिबेला निकै आत्तिए जब म्यान्मार नेशनल एयरलाइन्सको एक विमानले पछाडिको पाङ्ग्रामा मात्र आपत्कालीन अवतरण गर्नुपर्यो ।
विमानमा ८२ यात्री र ७ क्रु मेम्बर्स थिए जो पूर्ण रुपमा सुरक्षित छन् । यो घटना आइतबार बिहान ९ बजेको हो । वास्तवमा एम्ब्रइर १९० को अगाडिको पाङ्ग्रा नखुलेपछि पाइलटले विमानलाई रनवेमा पछाडिको पाङ्ग्राको मद्दतले उतारे । अवतरण गर्नेबेला विमानको अगाडिको भाग रनवेमा घिस्रँदै अघि बढेको थियो । विमानस्थलका प्रवक्ता क्यो सेनका अनुसार क्याप्टेन म्याट मोइ ओंगले अवतरण अघि कन्ट्रोल टावरलाई विमानको अगाडिको पाङ्ग्रा खोल्न नसकेको जानकारी दिइसकेका थिए ।
विमान याङ्गोनबाट मंडले जाँदै थियो । विमानमा खराबी देखिएपछि उनले आपत्कालीन प्रक्रिया अपनाएको विमानस्थलले जानकारी दिएको छ विमान अवतरण गरिरहेको भिडियो सोसल मिडियामा सार्वजनिक भएको छ जसमा विमानले पछाडिको पाङ्ग्रामा मात्रै अवतरण भइरहेको देख्न सकिन्छ ।
‘पाइलटले निकै अद्भूत काम गरे,’ विन कान्ट, म्यान्मारका यातायातमन्त्रीले रोयटर्सलाई भने । म्यान्मारमा यो हप्ता विमानमा गडबडीको यो दोस्रो घटना हो । गत बुधबार यंगून एयरपोर्टमा आँधीका बेला बंगलादेश एयरलाइन्सको एक विमान अवतरणका बेला रनवेमा चिप्लिएको थियो जसमा कम्तीमा १७ जना घाइते भएका थिए ।
#MNA (Embraer 190) #Yangon–#Mandalay this morning, landing at the #Mandalay airport – Nose Lansing Gear failure on landing. Flight Capt. has done the amazing job. #Myanmar pic.twitter.com/7dDzSIs13V
— Cape Diamond (@cape_diamond) May 12, 2019
Evacuation footage from Myanmar National Airlines flight #UB103, the Embraer 190 which landed with its nose gear retracted earlier today at Mandalay airport, Myanmar. #AviationDaily pic.twitter.com/OJ6GY04t3M
— Aero News (@teamaeronews) May 12, 2019
