मुश्लिम धर्मको निन्दा गरेको भन्दै मृत्युदण्डको सजाय पाएकी एशिया बिबीले पाकिस्तान छोडिन्
पाकिस्तानमा एशिया बिबीको नामले चिनिने इसाई महिला क्यानडा तर्फ प्रस्थान गरेकी छन् । उनको असली नाम आसिया नोरीन हो । पाकिस्तानको सर्वोच्च अदालतले उनीमाथि निन्दाको अभियोग प्रमाणित गर्दै सन् २०१०मा झुण्ड्याएर मृत्युदण्डको सजाय सुनाएको थियो ।
पछि सन् २०१८को अक्टोबरमा सोही अदालतले प्रमाण नपुगेको भनेको थियो । २९ जनवरी २०१९ सम्म मुद्दाको पुनरवलोकन नगरिएसम्म उनलाई देश छोड्न दिइएको थिएन ।
उनलाई सन् २००९मा बाली थन्क्याउने काम गरिरहेको बेलामा साथीहरुसँगको कुराकानीमा मुश्लिम धर्मको निन्दा गरेको आरोपमा पक्राउ गरेर जेल हालिएको थियो ।
नोभेम्बर २०१०मा उनलाई न्यायाधीशले झुण्ड्याएर मृत्युदण्ड दिने सजाय सुनाएका थिए । सो विषयलाई लिएर संसारभरी नै हल्लीखल्ली मच्चिएको थियो । उनले भने आफूमाथि लगाएको आरोप अस्वीकार गर्दै आएकी थिइन् । (बीबीसी)