जापानमा बालबालिकालाई कारले किच्दा १५ घाइते, सवारी चालक नियन्त्रणमा
जापान : पश्चिम जापानमा बालबालिकालाई कारले किच्दा १५ जना घाइते भएका छन् । २ देखि ३ वर्ष उमेर समूहका प्रिस्कूलमा पढ्ने कलिला बालबालिकालाई पश्चिम जापानको शिगा प्रफेक्चरमा रहेको ओत्सु शहरमा कारले किचेको हो ।
घाइते हुनेमा १३ बालबालिका र उनीहरूका २ शिक्षक छन् । घाइते बालबालिकामध्ये ४ जना अचेत रहेको बताइएको छ । विद्यालय जान हिँडेका बालबालिकालाई बाटो काट्न सडकमा ट्राफिक लाइटको संकेत परिवर्तन हुने समय पर्खिरहेका बेला कारले किचेको प्रहरीले जनाएको छ । घटनापछि प्रहरीले २ सवारी चालक महिलालाई गिरफ्तार गरेको छ ।