गौरको कलाकुञ्ज पुस्तकालय अगाडि शंकास्पद वस्तु फेला
रौतहट : गौर नगरपालिका-५ मा शनिबार बिहानै शंकास्पद वस्तु फेला परेको छ ।
नगरपालिकाको कलाकुञ्ज पुस्तकालय अगाडि कालोप्लास्टिकमा शंकास्पद वस्तु भेटिएको हो । शंकास्पद वस्तु बम भएको आशंका गरिए पनि त्यसको पुष्टि हुन नसकेको प्रहरीले जनाएको छ ।
प्रहरीले अहिले बमको आशंकामा उक्त वस्तुलाई घेरा हालेर राखेको छ । शंकास्पद वस्तु निष्क्रिय पार्न प्रहरीले सेनालाई खबर गरेको छ ।
