आवश्यकताभन्दा बढी हल्ला भएको भन्दै अर्जुन कपुरले दिए विवाहबारे कडा प्रतिक्रिया
मुम्बई : पछिल्ला थुप्रै दिनदेखि अर्जुन कपुर र मलाइका अरोराबीच विवाहको खबर चर्किएको छ । विवाहको मिति, स्थानलगायतका विभिन्न खबर सार्वजनिक भइसकेका छन् ।
अर्जुन-मलाइकाको अप्रिल १९ मा विवाह हुन लागेको बताइएको थियो तर यस्तो भएन । अब यो जोडीले जूनमा विवाह गर्ने तयारी गरिरहेको अफवाह फैलिएको छ । यसबारे अर्जुन कपूरले कुरा गरेका छन् ।
आफ्नो विवाहबारे कुरा गर्दै उनले भने, ‘होइन, मेरो विवाह हुन लागेको होइन । म अहिले ३३ वर्ष पुगेको छु र मलाई विवाह गर्न कुनै हतार छैन । यदि मैले विवाह गरेँ भने मानिसहरुलाई थाहा भइहाल्छ नि । आजकाल एक हदपछि केही कुरा पनि लुक्दैन । अनुमान गर्दा कुनै क्षती हुँदैन तर मलाई लाग्छ कि हरेक प्रत्येक त्यसबारे प्रतिक्रिया दिँदा मलाई राम्रो लाग्दैन । यसबाहेक लगातार प्रतिक्रिया दिँदा थकाईसमेत लाग्छ । यो विषयमा आवश्यकताभन्दा बढी हल्ला भइसकेको छ तर मेरो मलाई कसैसँग पनि रिस उठेको छैन ।’
उक्त अन्तरवार्तामा अर्जुनले मलाइका आफ्नो लागि विशेष भएको स्विकारेका छन् ।
मलाइकाले पनि दिएकी थिइन् प्रतिक्रिया :
मलाइकाले पनि केही दिन अघि अर्जुन कपुरसँगको विवाहको खबर खण्डन गरेकी थिइन् । मलाइकाले मिडियासँगको कुराकानीमा भनेकी थिइन्, ‘यो सबै बकवास हो ।’
वास्तवमा, साढे दुई वर्ष अघि अरबाज खानसँग विवाह टुटेपछि मलाइका र अर्जुनको सम्बन्धबारे चर्चा निकै चुलिएको छ । दुबै केही दिन अघि माल्दिभ्समा छुट्टी मनाएर पनि फर्किएका थिए । मलाइका ४५ वर्ष पुगेकी छिन् ।
