आफ्नै दाजुलाई कुटपिट गरी हत्या गरेको अभियोगमा भाई पक्राउ
बारा : आफ्नै दाजुलाई कुटपिट गरी हत्या गरेको अभियोगमा प्रहरीले बकैया गाउँपालिका-२ तीन थुम्के बस्ने ४४ वर्षीय सानु लामालाई मंगलबार दिउँसो पक्राउ गरेको छ ।
कुटपिटबाट गम्भीर घाइते भएका उनका ५३ वर्षीय छेगु लामा दोङलाई उपचारको लागि निजगढतर्फ लैजाने क्रममा बाटोमै मृत्यु भएको प्रहरीले जनाएको छ ।
भाइ सानुलाई इलाका प्रहरी कार्यालय निजगढबाट खटिएको प्रहरीले पक्राउ गरेको हो ।
घटनाबारे अनुसन्धान भइरहेको प्रहरीले जनाएको छ ।
