आलियाले एक अन्तरवार्तामा यसरी खुलाईन् आफ्नो रोग
बलिउड नायिका आलिया भट्टले हालै फिल्म ‘राजी’ का लागि फिल्मफेयरको उत्कृष्ट नायिकाको अवार्ड पाइन् ।
सन् २०१२ मा स्टूडेन्ट अफ द इयरबाट आफ्नो करियरको सुरुवात गर्ने उनले हालै दिएको एक अन्तरवार्तामा आफू एन्जाइटी (चिन्ता, पिर) बाट गुज्रिरहेको खुलासा गरिरहेकी छिन् । एन्जाइटीबारे कुरा गर्दै आलिया भट्टले भनिन्, ‘म डिप्रेशनमा छैन तर मलाई एन्जाइटी भने अत्यधिक छ । मलाई यसले तारन्तार दुःख दिइरहेको छ ।
म पछिल्लो ५-६ महिनादेखि तनावमा भएको महसुस गरिरहेकी छु । कतैै मलाई एन्जाइटी अट्याक त हुँदैन रु म कहिलेकाँही निकै मलिन महसुस गर्छु । तर यसका लागि म आफ्नी दिदीलाई धन्यवाद दिन्छु । म उसैका कारण यी सब कुराका लागि जागरुक छु । उनले डिप्रेशनको लडाईं लडेकी थिइन् । ’
आलिया भट्ट भन्छिन्, ‘म कहिलेकाँही तनावमा भएको महसुस गर्छु । कहिले काँही त यस्तो लाग्छ कि म कुनै कारणबिना नै रोइरहेकी छु । तर पुनः सबै कुरा साधारण हुन्छ । सुरुमा यस्तो हुँदा मलाई के भइरहेको छ, थाहै हुँदैनथ्यो । ’ ‘मेरो जस्तो व्यक्तित्व थियो त्योभन्दा अलग महसुस गर्न थालेकी थिएँ । मैले आफ्ना साथीसँग पनि यसबारे कुरा गरेकी थिएँ । सबैले मलाई यो आफसेआफ ठिक हुने बताउँछन् । ’
