बस र ट्रक ठोक्किदा ढल्केबरमा भयानक दुर्घटना : २ जनाको गयो ज्यान, दर्जन बढी घाइते
जनकपुरधाम : पूर्व पश्चिम राजमार्ग अन्तर्गत धनुषाको ढल्केबरमा मालबाहक ट्रकले यात्रुबाहक बसलाई ठक्कर दिँदा २ जनाको मृत्यु भएको छ भने एकदर्जन बढी यात्रु घाइते भएका छन् ।
मृत्यु हुनेमा बसका यात्रु धनुषाको क्षिरेश्वरनाथ नगरपालिका २ नक्टाझिजकी शुभकला मण्डल र भारत मोतिहारीका २५वर्षीय उदेश ठाकुर रहेको इलाका प्रहरी कार्यालय ढल्केबरले जानाएको छ ।
प्रहरीका अनुसार दुर्घटनामा घाइते भएका एकदर्जन बढी घाइतेहरुको विभिन्न स्थानीय अस्पतालमा उपचार भइरहेको छ ।
काँकरभिट्टाबाट पश्चिम जाँदै गरेको ना ५ ख ४९६ नम्बरको बसलाई विपरीत दिशाबाट आउँदै गरेको ना ६ ख ९४९६ नम्बरको मालवाहक ट्रकले ढल्केबारचोकमा राति २ बजे ठक्कर दिएको प्रत्यक्षदर्शीहरुले बताएका छन् ।
घटनाको विषयमा अनुसन्धान भइरहेको र मृतक दुवैजनाको शवलाई पोष्टमार्टमका लागि जनकपुर अञ्चल अस्पतालामा राखिएको प्रहरीले जनाएको छ ।
