Logo
१७ फाल्गुन २०८०, बिहीबार
(February 15, 2019)

‘सामाजिक उत्तरदायित्वका लागि पत्रकारिता’

भारतमा सबै भन्दा ठुलो आतंकी हमला, ४२ सुरक्षाकर्मीको मृत्यु, पाकिस्तान विरुद्ध युद्ध थाल्न माग (भिडियो)

भारत स्थित जम्मू कश्मीरको अवंतीपुरामा अहिलेसम्मकै सबैभन्दा ठुलो आतंकी हमला भएको छ । जसमा ४२ जना भारतीय सुरक्षकर्मी मारिएका छन् । बिहिबार दिउसो भएको यस घटनापछि भारतभरका जनता पाकिस्तान विरुद्ध नारावाजी गरिरहेका छन् । भारतले यस हमलाको मुख्य जिम्मेवार छिमेकी मुलुक पाकिस्तानलाई मानेको छ ।

भारतीय गृहमन्त्री राजनाथ सिंहले घटना पाकिस्तानले गरेको आरोप लगाएका छन् । छुट्टी मनाएर फर्किरहेका बेला सुरक्षाकर्मी सवार बसलाई निशाना बनाएर उक्त आतंकी हमला गरिएको हो । भारतीय न्यूज च्यानलहरुले पाकिस्तान विरुद्ध भारतले युद्ध नै थाल्नुपर्ने बताइरहेका छन् ।

उक्त आतंकी हमलाको जिम्मेवारी भने पाकिस्तानी आंतकी संगठन जैश.ए.मोहम्मदले लिएको छ । निकै ठुलो हमला भनिएको उक्त आतंकी हमलापछि चौतर्फी रुपमा राजनीतिक दलका नेताहरुले पाकिस्तान विरुद्ध बयानवाजी गरिरहेका छन् । प्रतिपक्षी नेता राहुल गान्धी समेतका नेताहरुले भारतसरकारले पाकिस्तान विरुद्ध युद्ध नै थाल्न आग्रह गरेका छन् ।

प्रधानमन्त्री नरेन्द्र मोदीले घटनाको बदला लिने बताएका छन् । सरकारले पाकिस्तानलाई जवाफी कारवाही गरे प्रतिपक्षी समेत सबै राजनीतिक दलहरुले सरकारलाई साथ दिने बताएका छन् ।

जम्मुबाट श्रीनगर गइरहेको केन्द्रीय रिजर्भ पुलिस फोर्सको गाडीमा हमला हुँदा ४२ जना सुरक्षाकर्मी मारिएका हुन् ।

करिब ७० वटा गाडीमा गइरहेका सुरक्षाकर्मी पुलवाला भन्ने स्थानमा हमला भएको हो । जम्मु-काश्मिर सरकारका सल्लाहकार विजयकुमारका अनुसार यो हमलामा ४० जनाको ज्यान गएको छ भने धेरैजना घाइते भएका छन् । यी गाडीमा २५४७ जना सीआरएफका जवान सवार थिए । यो हमलाको जिम्मेवारी पाकिस्तानमा आश्रय लिइएको भनिएको जैस-ए-मोहम्मदले लिएको छ ।

भारतीय सञ्चारमाध्यमका अनुसार विस्फोटक पदार्थले भरिएको गाडीमार्फत काश्मिरमा अहिलेसम्मकै ठुलो हमला भएको हो । यसभन्दा पहिले सन् २०११ अक्टोबरमा काश्मिर विधान सभा र जनवरी २००४ मा सुरक्षा बलको गाडीमाथि यस्तै हमला भएको थियो । त्यो बेला विधानसभाको हमलामा मात्रै ३८ जना मारिएका थिए ।

समाचार अनुसार जैस ए मोहम्मदका आदिल अहमद उर्फ वकास कमाण्डोले दिउँसो ३ बजेर १५ मिनेटमा यो हमला गरेका थिए । सीआरपीएफको गाडीको लस्कर लेथपोराबाट अगाडि बढेपछि पृथकतावादीहरूले विस्फोटकले भरिएको आफ्नो गाडी जवाले भरिएको बसमा ठोक्काएका थिए ।

भारतीय सञ्चारमाध्यमले जनाए अनुसार अनुसार करिब ३५० किलो भन्दा धेरै विस्फोटक पदार्थले भरिएको स्कोर्पियो सुरक्षाकर्मीको गाडीमा ठोक्काइएको थियो । भारतीय सञ्चारमाध्यमका अनुसार पुलवामाको काकापोराका बासिन्दा आदिल २०१८ मा जैसमा सामेल भएका थिए ।

एक भारतीय अधिकारीका अनुसार आतंकवादी हमलामा परेका सीआरएफका टोली जम्मुबाट बिहान ३ बजेर ३० मिनेटमा बाटो लागेका थिए । उनीहरू साँझ श्रीनगर पुग्ने योजना थियो ।

एकसाथ २५४७ जवान लिएर हिँडेका गाडीसँगै सडक खुलाउने टोली र बख्तरबन्द आतंकरोधी गाडी पनि थिए । जुन बसमा आक्रमण भयो त्यसमा ७६औँ बटालियनका ३९ जना सवार थिए । मारिएका थप सुरक्षाकर्मीमा अर्को साधनका पनि थिए । घटनापछि डाक्टर र बम विशेषज्ञको टोली घटनास्थलमा पुगिसकेको छ ।

हेर्नुस् भिडियोहरु :

सौजन्य : एएनआई न्यूज एजेन्सी र एबिपि न्यूज,

मारिएका सुरक्षाकर्मीहरु :

1. जयमाल सिंह- 76 बटालियन
2. नसीर अहमद- 76 बटालियन
3. सुखविंदर सिंह- 76 बटालियन
4. रोहिताश लांबा- 76 बटालियन
5. तिकल राज- 76 बटालियन
6. भागीरथ सिंह- 45 बटालियन
7. बीरेंद्र सिंह- 45 बटालियन
8. अवधेष कुमार यादव- 45 बटालियन
9. नितिन सिंह राठौर- 3 बटालियन
10. रतन कुमार ठाकुर- 45 बटालियन
11. सुरेंद्र यादव- 45 बटालियन
12. संजय कुमार सिंह- 176 बटालियन
13. रामवकील- 176 बटालियन
14. धरमचंद्रा- 176 बटालियन
15. बेलकर ठाका- 176 बटालियन
16. श्याम बाबू- 115 बटालियन
17. अजीत कुमार आजाद- 115 बटालियन
18. प्रदीप सिंह- 115 बटालियन
19. संजय राजपूत- 115 बटालियन
20. कौशल कुमार रावत- 115 बटालियन
21. जीत राम- 92 बटालियन
22. अमित कुमार- 92 बटालियन
23. विजय कुमार मौर्या- 92 बटालियन
24. कुलविंदर सिंह- 92 बटालियन
25. विजय सोरंग- 82 बटालियन
26. वसंत कुमार वीवी- 82 बटालियन
27. गुरु एच- 82 बटालियन
28. सुभम अनिरंग जी- 82 बटालियन
29. अमर कुमार- 75 बटालियन
30. अजय कुमार- 75 बटालियन
31. मनिंदर सिंह- 75 बटालियन
32. रमेश यादव- 61 बटालियन
33. परशाना कुमार साहू- 61 बटालियन
34. हेम राज मीना- 61 बटालियन
35. बबला शंत्रा- 35 बटालियन
36. अश्वनी कुमार कोची- 35 बटालियन
37. प्रदीप कुमार- 21 बटालियन
38. सुधीर कुमार बंशल- 21 बटालियन
39. रविंदर सिंह- 98 बटालियन
40. एम बाशुमातारे- 98 बटालियन
41. महेश कुमार- 118 बटालियन
42. एलएल गुलजार- 118 बटालियन

प्रकाशित मिति: Feb 14, 2019

प्रतिक्रिया दिनुहोस्